Lənkəranda yanacaq daşıyan avtomobil yanıb.

Lənkəranda yanacaq daşıyan avtomobil yanıb.

TalyshPost Fövqəladə Hallar Nazirliyinin saytına istinadən məlumat verir ki, Lənkəran şəhəri ərazisində yanacaq daşıyan avtomobildə yanğın olub. Dərhal hadisə yerinə nazirliyin Dövlət Yanğından Mühafizə Xidmətinin canlı qüvvə və texnikası cəlb olunub, aidiyyəti qurumlar məlumatlandırılıb.

Yanğınsöndürənlər tərəfindən hadisə yerində yanğının dərhal söndürülməsi istiqamətində aparılan iş nəticəsində "ST OIL" yanacaqdoldurma məntəqəsinin ərazisində "Coşqun" Məhdud Məsuliyyətli Cəmiyyətə məxsus "Kamaz" markalı, həcmi 30 ton olan yanacaq daşıyan avtomobilin arxa təkərləri və nasosu söndürülüb.

Yanğın zamanı bir nəfər yanıq xəsarəti alıb. Avtomobilin qalan hissəsi və yanacaq doldurma məntəqəsi yanğından mühafizə olunub. Yanğın yanğınsöndürənlər tərəfindən söndürülüb.