İnə zıvoni nıznəkəs hiç odəm ni...
Xosə tolışon vey vaxtbe ki pyedəmbe de çımı tolışə boon iyən hovon qırdə bıbəmon bə i vırə.
Əncəx şıneydəbim ki, hələ hozo nim bo jıqo vindemoni.
Imruj Oktyabrə manqi 26-də qırdə bimon. Məğsədimon şoy-şoy kardeybe. Im sor çoqlə kitobmon beşəbe Tolışə zıvonədə. Əy ğeyd karde pyedəbimon i vırədə.
Az vey səğ bıbi voteydəm Bə Seyran Dadaşovi ki, koməq kardəşe bo çəmə qırdəbey.
- Azerboyconi tolışon ədəbiyot.
- Ranq kardey.
- Həyf çə rujon.
- Yolon sıxan.
Çəmə cıvonə filoloq Rəzzaq Xansuvarovi okardışe məclisi. Çəyo çəmə Yolə şair Əli Nasiri xəy-dıvo doşe bı tədbiri.
Az Ranq kardey kitobi vodoyro bəmə koməq bıkə Ufuq-S cəmiyyəti vey səğbi voteydəmon. De zıvoni vositə cəmiyyəti inkişofi cəmiyyət vey koməqəti kardəşe bəmı bı koonədə. Azən vey mınnətdorim çiki zəhmət hesteşe ranq kardey kitobədə. Həyf əsl səbəkoron deəmə nıbin. Demı bə ivırə zəhmət kəşəkəsondə qıləyən Allahverdi Bayramiye. In çoqlə kitoədə çımısən vey zəhmət hestışe miəllime. Az Allahverdi miəllimiko umutəme çoknə məğalə nıvıştey lozume. Bəy ıştə mınnətdorəti rosneydəm.
Çəmə yolə Ustod Fəxrəddin Əboszodə çanə vey səğ bıbi bıvotomən kame. Ustod jəqo parsım nike be cəvob bıhaşto əy. Az həsəd bardeydəm bəçəy həliməti, təmkine, səbri iyən səvodi. Çoknə əv rosneydə ımoni həmməy? Ranq kardey iyən Yolon sıxan kitobon deçəy redaktə bıə.
Mehdi Səfərov ıştə mınnətdorəti rosnişe bə həmməkəsi. Əv qəp jəşe ki çoknə çəy nəvon vey şoon bo Rank kardey kitobi be səbəb. Əv qılə ideya doşeki nav omədə bo əğlon jıqo kitobon vey vadəmon.
Tolışon sədo qəzeti sərredaktor: Rafiq Cəlilovi ğeyd kardışe ki Xıdo ın ənomon bə ehtobo kardəkəson doəşe. Xıdo əməni boştə xıdmətiro vıjniyəşe. Bə səbəbən əmə bəpe dəvom bıkəmon ıştə xıdməton zıvoni roədə.
Ulduz boli zıvoni barədə votə tənğidə sıxanonımon haşte bə omə vədədə dəvoniyə bıə co tədbiron.
Çəmə Konul kinə handışe cıvonə şair Vuqar Mirzəzodə “ Tolışə zıvon” şeeri.
Peşo sıxan doəbe kə soyb bıə Seyran Dadaşovi. Əvən çəmə kardə koon barədə ıştə fikon votışe.
De jıqo çəmə tədbir sə be. Azən bə oməkəson kitobonədə baxşə dome. Vaxt hestbe az nəveydəbim bo qılə kitobi ki bıhandom umutom. Əmma çəmə nupərəson iyən cıvonon vey xoşbəxtin ki hestışone jıqo kitobon. Azən vey səğbi voteydəm çımısə navədə şə miəllimon. Ki koməq kardəşe bı koonədə bəmı Xıdo oqırdıno bə odəmi zəhməti əvəzi 30-60-10 ğat.
İradə Məlikova
TalyshPost
1
