Səudiyyə Ərəbıstoni yolə şiyə ruhani edam hıkmi

Ərəbıstoni şiyə yolə ruhani “Şeyx Nemer Bağerəınemer” edam hıkmi elan karde insonə həxon mıdofiyə təşkiloton və islami ijtimayyətdə de ciddyə reaksia dim bə dim bəy.

“Şeyx Nemer Bağerəlnemer” dastqir qəteku dısor dəvarde bə peşt Səudiyyə Ərəbıstoni məhkəmə əvış bə idam məhkumış ka.

Səudiyyə ərəbıstoni məhkəmə rəisi ın şiyə ruhaniş bə terroriston komək karde və iğtişaş kardeyo və mıhoribə məhkumş kardə.

İron islam respublika yolə alimon, Livan, Bəhreyn və İraği bə “Şeyx Nemer Bağerəlnemer” edam hıkməşon reaksia nışonışon do.

əvon ın be əsosə hıkmi məhkum kardeədə Səudiyyə Ərəbıstoni rəsmiyonku tələbışon karde ın hıkmi icra kardeku bə kəno bımandon və elanışon ka “Şeyx Nemeri” edam karde Səudiyyə Ərəbıstoniro qıvonə nəticonış bəbe.

Mıxolifə cəmiyəton və Bəhreynı inğilabiyon həm yolə etırazinə mitinqon bərpo kardeədə “Şeyx Nemer bağerəlnemer” edam karde hıkmi vədə bə Ale Səudi rejimi xəbərdarətişon do.

In cəmiyət qıləy holədə ki, “Şeyx Nemer Bağerəlnemeri” ozodətiyo Səudiyyə Ərəbıstoni rəsmiyonku, tələbışon kardə və votışone ki, əqər ın hıkmi icra bıbo məntəğə problemin və de Ale Səudi rejim ğanuni ronədə mıborizə kardero obəbe.

Bəhreyniyə mıxolifə cəmiyəton həmçenin işarəşon ka ki, əqər ın hıkm icra bıbo çəy məsoliyə de Beynəl-Xəlğə ijtimayyəte ki, ım rejimi veyə cinayaton poşnedə.

Ələxbar rujnamə həm nıvıştəşe ki, ın hıkmi icra karde nəticun barədə ısətnəku ni bəbe nəzə doye və işarəş ka: ki, Səudiyyə Ərəbıstoni rəsmiyon nəhayətdə zınəşone bə qıləy diniyə rəhbəri ələyh siyasiyə məsələ zınəşone məhkəmədə ın hıkmi qıləy məzhəbi mıvzo nışon bıdən.

Səudiyyə Ərəbıstondə ğeyre demokratik toifəiyə solalə hukumətiku, rışğand qətə kəs Foad İbrahim ım movzuon barədə votışe: bə ayətulla Nemer Bğerəlnemeri ələyh təşkil bə hıkm qıləy siyasiyə hıkm bəy ne məkhəmə tərfiku doə hıkm ın hıkm məhkəmə təşkiloti tərəfiku, ni bəlkəm Ale Şəud rejimi məmləkətdə daxili konədə bə vəzarətxanə tərəfiku təşkil bə.

Ərəbıstoni hukuməti ın mıxalifə şəxs Əlməyadin telviziya kanali votemonədə votşe: Ayətullah Nemeri məhkəmə oşko nıbe və ğeyre oşku bərpo be və elanş ka ın məhkəmə heç holətdə adilanə bə ni, hakim bə Əlnemeri qıley tohmətoni bəyonş karde və şəhodət doeyo polis məmoroni ki, əvşon dastqir qətə be və bə çəvı tərəf qıloləşon ğandə bı piyəşe.

“Şeyx Nemer Bğerəlnem” votışe: ın tuhmətun heç holətdə dırıst nin və votışe Ərəbıstondə məhkəmə təşkilot ni və əmniyəti otağon hıkm sadir kardən.

“Şeyx Nemer Bağerəlnemri” edam hıkm sadir beədə Beynəl-Xəlğə əf təşkiloti sətəndə həm bə reaksia bais be.

Beynəl-Xalğə əv təşkilot həm Səudiyyə Ərəbıston cinaiyə məhkəmə doə hıkmi kuş tənğidış ka və votışe ki, ın hıkm qıley dəhşətinə hıkm və ın hıkmi ləğv beş tələb kardə.

Səudiyyə Ərəbıston də ın yolə şiyə ruhani edami hıkm sadir karde şiyə ənıştə məntəğə Ərəbıstoni şərğ hisədə ın məmləkətl milləti reaksia bais be.  

Talesh.ir