Rusiyə pidəşe ıştə hərbiyə ğıvvon bə Ğərəboğ bıvğandi

Rusiyə rəsmiyon pidəşone ıştə hərbiyə ğıvvon bə Ğərəboğ məntəğə bıvğandin.
Azərbaycan Respublika Diplomatik Akadımiya navnə ostad iyən enerji əmniyəti ekspert “Branda Şafer” ıştə “NewYork Tims” nomo rujnomə məğalədə nıvıştəş be: 1991-nə soriku Rusiyə rəsmiyon səy və təlaşışon hıste ki, Səvet hukumətiku co bıə kişvəronədə huzurış bıbu, əvoni nəzorəton jentonədə ğəlol bıdən, ta çəvon bə Avropa iyən Amerkə vey əloğə pəydu kardey vədə mane icod bıkən.
Şaferi məğalə dəvomədə ğeyd bıdə ki: Ğərəboğədə tojə daveonku bəpışt, “Soçi” şəhrədə Azərbaycan Respublika iyən Ermənıstani prezidenton mulağati cərəyanədə, Rusiyə prezidenti vey muhimmə tələb yəni, Ğərəboğ məntəğədə Rusiyə hərbiyə ğıvvon huzur bəyon be ta əməli surətədə əncom bıbu.
Azərbaycan Respublika ım koşınas iyən eksperti vinedemoniku cənubi Ğəfğazədə stabiləti bə yande qınıyey, karde bazne bə Avropa ğazi ixrocəkə lulə xətti vədə problem icod bıkəy, boçi ki ım xətt mərkəzi Asiya neft iyən ğazi vahidə sadir bıkə luləy və bo Rusiyə rəsmiyon vey muhimme.
Votey lozime ki, Ukrainiya problemiku bəpıştə, avropavıjə kişvəron pidəşone Rusiyə ğazi əvəzi bə co kişvəron vabəstə bıbun.

Taleshi.ir