Peyk yayımını boğmaqla xərçəng xəstəliyi arasında əlaqə tapılıb

İran rəsmisi deyib ki, hökumətin peyk yayımını boğması vətəndaşlara sağlamlıq problemləri yaradır.

İranın Ətraf Mühitin Mühafizəsi (EPA) təşkilatının direktor müavini Sayed Motasadi İRNA agentliyinə oktybarın 2-də deyib ki, “ola bilsin ki, satellit yayımı boğma  xərçəng xəstəliyinə səbəb olur”.

Motasadi bildirib ki. EPA-nın kommunikasiya və informasiya texnologiyaları Nazirliyi ilə apardığı  araşdırmaya görə, xərçənglə peyk yayımının qarşısının alınması arasında əlaqə var.

Bu ilin əvvəlində satellit yayımının boğulmasının insanların sağlamlığına təsirinin öyrənilməsini İran prezidenti Rohani tapşırmışdı.

İran xarici televiziyaların və radioların yayımının qarşısını alır və bu zaman boğucu texnologiyalardan istifadə edir.