Nariman Tolışi: BIJI TOLIŞ!

Bəşməm quş doy,
tolışə moynon.
Tolışə balon, tolışə hovon
Bəşmə ğıryəti con ğıbon.
Çand kərə,
çaşım pur be, çaşım peş be.
çəvon pur be bomı xoş be.

Iştə inə zıvonədə,
Iştə şinə zıvonədə
Dardon vote,
sute-sute.
Şımə dılon ğəm nıkəşo!
Şımə çaşon nəm nıkəşo!

Mədəniyyətmon barze çəmə,
Həxımon ni tarse, çəmə
bo çəy vote.

Hıte-hıte
di bedə.
Tolış orəxdə, ni bedə.

Tı səy pedə!
Əqəm pidə,
bıjiyo çəmə moə zıvon,
bəmə jimon doə zıvon,
Ti qəp bıjən bə tolışi,
Bə şinə-şəkə tolışi.

Çəmə xalq çı xalqon qoniy,
Zıvonımon bənəy honiy,
bənəy şoniy

Bəşməm quş doy--
Tolışə moynon
Dılım bə band oqarde,
Diyənim vıl okarde.

Çanə zıvonmon heste,
Çanə zıvon bəjiye,
Ənədən xalq bəjiye?!

Səy emağand bə ji, tolış!
BIJİ TOLIŞ, BIJİ TOLİŞ!

zıvon.info