Mirfayaz Likməkani: "Mehdiçi"on.
De Xıdo nomi! "Mehdiçi"on
Bəle, xosə Tolışon rost məseone "Mehdiçion", koye, çe İmomZəmon əğə roy de həsrəti çəşəkə Mehdiçion sə dəməqınən (hejo çəvono qləy azim). İyo sıxan şə "Mehdiçion"ku iən "Mehdiçiəti"ku tikəy bəpeşt çok- çokinə bəşməro sıxan obəkam. Besəb məbən.
Yolə Devlətonkuj qətə de bə qədə devləton (yəni ayilon) ə vırə, ə mərənqo, ə kə nibəbeki vəyo noroziəti, deyəndınə ro nışey, iyəndı sə dənışey, nohəmrəyəti nıbu. Qirəm ım konfilikton, ım hırdə çion bə yolə mustəvi, bə dışmenəti peqordonoj, bəvədə bəpe məxloğ çe nun- ovi dast bıkəşi, əncəx, iyəndi qətencə, vindencə yəndı xuni peşomo, qujdi bəhə, astə bıkoşo. (?).
Sıxan kardem piə çi, nə kə , nə devlət, nəən co çi həxədəy. Çe Tolışi Hərəkotədə şıə kali xoşnomə koon, məsəlon borədəy (ve həyf ki bı nezon karde bıə iən məxsədədə bıə çokə koon həxədə qəp jəninbim).
Xıdo lənət bıkə bə yəzidi orox - toroxiki, 30 sori neziy Tolışonış çaşətars kardə, ruşnəfikon poəj tərki-vətən, poəj kıştəş, poəjən xaltənə bə qıy kardəşe. Çok- puç ım Qonə Şələ das bə esət rosnə bıə.
Peşonnə 3-4 sorədə xəyli cıvoni ğıryəti bəy tov doə, omən bı Hərəkot ki, çiçsə boştə xəlqiro, boştə inə zıvoni jiyero, mılxəs ğıyəsələ bən çiçsə bıkəmon, dastojon omdə tamşoon kəşdən, tədbironədə qırdə bedən, deyəndinə kəllektiv vindemonon dəvondən, tolışi qıləvıjononku musahibə peğətdən, internetədə aktiv tolışon vıjındən, har kəsən ıştə dastooməy koməkəti kardən. (Roste, har kəsi ğıryət dəçəy səviyyə, dəçəy səvodi duz mutənasib bedəni).
Oxınnə rujon veynə cıvonon dılku bey ərəfədəbin, ıştə ko- sənətım şodoy, bənem madəm ənədə ğıryətinə cıvon bəmı ovardə, bənə qləy tolışə bıyə bəmı bovə kardə, bəştə ğarzım zınəy ki bəvon dılvandi bıdəm, əvoni jıqo dılku kardə piə çi rişə umutom.
Dəvon həm kəllektiv, kali qlonən fərdi vindemon kardeme. Ehanə, umuteme çı xoşnomə nuansi rişə. Çəvon veynə sıxanon, tasıbon şərik bim, quş dome, bəvon kamişi səbr kardey məslohat zınəme.
Məvotbən Tolışə Hərəkotədə qləy tojə təğ ejə bəbən, çı təği məhsulonən "Mehdiçi" nomədə bə Tolışi ixrac bənine. De manevri, de praqmatik koon ım təğ xəyli "Mehdiçi" perosnəninebən, əfsuson ki, ım umi puç bə, sori qamə semonon bino bey- beyədə Azəri- Tolış İctimoi İbemoni çəy həmsədron tərəfo ibirdəmədə dəbiyovnə bey. Kali, nıbə tərəfdon qırd diəro ben. Bımədə ATİBİ sədorət heyəti qləy mərəşurə rost kardeje. Çe Suriyə mərəşurə çı mərəşurə tono kame mandə ğələt bıkə, vəyo ə mırdolə vəhabiyon bə sıravi hırdəni, moynə, pi-pışkon sıval doydəbe Əhli- şiəş?, ya Əhli - sınni? Çoko famdəbin şiən qullə noydəbin bəçəy kəllə.
Bəle, ım ATİB i sədriən tojə pojəj toşə, bərməlo - " Mehdiçi" və " "Mehdiçilik". Im pojəj duçu kardej pidə çe Kəxabə Tolışi coni ( əmo tolışi bəxti vardə ım pojə çe amburə doo ne, çe rəzdoyoy, ımi zınə bey çəy bənə pojə oko doy piyədə). Kırt! Çe dəbiyə ATİB i sədorət səçınyədəy. Vıjındə, kiy "Mehdiçi"ye iən de "Mehdiçi" sıxani Əstəğfurullah! bəbebu yanbəyan vote ə miğəddəsə sıxani? Əstəğfurullah ! Məcburim bıvotom, bəli vıjındən kiy "Mehdiçi"ye kiy Ələkrəmçiye?! Im səçınyədə vindəjone "Mehdiçi"yon nin, hestebuən çe təği ənərəsə kıvuonin (lankonıjon kıvu ku votdən). Dəbyə ATİB i sədorət vindəki "Mehdiçi"ion sardi jə pıxən, ıştəni "Mehdiçi" hisob nıkardəkəson Ələkrəmçi hisob kardə, de nıbə ğuvvənə bə Ələkrəmçion hicum elan kardəşe, oşko- nionkıle de dədru- dədru qəpon məşğul bedən, tı məvot Ələkrəmçion çe Azərbaycani devləti dışmemonin, tı məvot, Ələkrəmçion əmon doydənibən "Mehdiçi"on bıbu, bırəson! Xıdo bı rixnə eəğandon insof bıdo!
Ha Xosə Tolışon, ımən veynə Tolışə aktiv cıvonon dılku əkə çi. Imım pəydo karde de rişa (çe rişə rıçəxon nıvotome ha).
P.S. Az Mirfayaz Likməkani! Kiy bəmi Mehdiçi bıvoto az xəcolət bəkəşem! Çumcuki ımi əvot ləğ kardə! Əmo 29 may 2014 tarixədə ATİB i həmsədrono qləy bəmı Ələkrəmçi voteyədə az ıştəni ən hərəbaxtə Tolışono Hisob kardeme! Az Verijim, Verijon nimə Ələkrəmçi nomədə təğib kardə bıə, hiç vaxt məsəm niki qləy verij de kəşə qorə əzobon qırə bıkə. Hejoən Ələkrəmçiətiən fəxr kardəjone! Çumçuki Veri Əli Nasiri, Səydəmir Məmmədovi, Mirtaği İspandi, Əğəddin İbrahimovi, Şıxizodə Rizvan, Mirfəyaz Likməkani, Sədrəddini, Azər Kazımzodə hələ nom qətə nıbə sa sa qlə Zoon MOye.
HAR Çİ BƏ NAV, DEYƏNDI HOVƏMON, BIYƏMON, TOLIŞİMON!