İroni texnoloqiya və elmi heyyət bə Rusiyə səfrş ka

Elmi və texnoloqiya baxşədə İron islam respublika prezidenti moaven Surena Sətari ki, çan ruj bə Rusiyə səəfərş kardə.

Tatarestan prezidenti rəsmiyə dəvətədə bə ım respublika mərkəz Kazan şəhr səfərş kardə.

İron islam respublika elmi və texnoloqiya ali rotbəinə heyət Doktor sətari rəisətədə bə Mskova təşkil doə səfərədə dı qılə məmləkəti miyonədə elmi və texnoloqiya həmkarətion inkişaf doeyo ciddi mızakeronş dəvoniyə.

İroni elmi şirkəton rəisonku, ibarətin, 1 minə rujədə Makuvaədə eskol kovo texnoloqiya mərkəziku didorşon ka.

İroni heyəti ostadon və təhqiq kardə kəson və rəsmiyon və Mskuva ım elmi mərkəzi rəsmiyon ki, rabitə texnoloqiya, nano və ekoloqiya texnoloqiya sahonədə bə fəaliyət məşğolin, 2 tərəfi planon və ilmiyə nəticon təklil və həmkarəti kardeyo məsləhətşon do.

Elmi və texnoloqiya baxşədə İron islam respublika prezidenti moaveni didor Mskuva ali məktəbi rəisətiədə Doktor Sətari co qılə pruqramonku, be həmçenin xareciyə kon vəziri moaven və rusiyə elm Akademiya uzvbıə modiron həm de Sətari didir və 2 qılə məmləkəti elm və texnoloqiya həmkarətion barədə votmonşon dəvoni.

Taleshi.irib.ir