İronədə Azəriyə noxəşon dəmon karde.

Həmmə kəsiyo oşkoe ki, xəyli bəvonku əyo ıştə dardi dımon karde dumu ədən. Im ko fəğət cəmaəti bovə xoto bə İronjə həkimon ni, bəlkəm dəvo dəmon xarc həm əvoni rozi oqətedə.

Xəyli Azəriyə noxəşonku bə Təbriz və Ardəvil şedən, oşkoy ki, zıvoni xoto əşəhron vıjnedən əmmo bə Ğilan ostani mıxtəlifə xəstə xanəon ki,

Çəy veyə cəmaəti farson və Tolışon təşkil dodən muraciət kardə kəson ədəd kam ni əcumlədə xanum zıvoni cəhətəndə həm problemş ni çun ki, Azərbaycan respublikaku bə İroni mıxtəlifə şəhron ki, Tırki zıvon əyo oko doebedə ni muraciət kardə noxəşon ədədi ve be xoto İroni dəmon kardə mərkəzon rəsmiyonış məcbur kardə lozim bə tədbiron nəzərdə bıqəton.

Məsələn vaxti ki, Rəşt şəhrədə bim əməşon bə qıləy xususiyə klinik bardeşon Əli Rıza kərimzadə ki, şəy əsolət Azərbaycan be çı kliniki yolə həkim be əv dıştə həyat həmro ım klinikışon tojə okardə hədəf oşkoe, qıləy holədə ki, Azərbaycan respublika şəhrvandon ıştəni dəmon kardeyo bə İron səfər kardən boçi əvon əncəx Ardəvil, Təbriz ya coqılə məmləkəti vıjnedən? Bo çimi xoto həmə şobəonədə Azəriyə zıvoni zınə kəson bəko məşğulin.

Əlirıza Kərimzadə İronjə mutəxəsis həmkim votedə: hal hazirədə həmmə lozim bıə şərayeton çəmə klinikədə heste qıləy noxəş xonə 30 sor əğıl be nemətiku məhrum be bəmə muraciətış ka əmə əvımon dəmon karde və nəticədə həminə şəxs əğli soyb be.

Dəvordə ori 281 nəfər Azərbaycan respublika şəhrvandonku bə İroni Ostoro muraciətışon kardə nki, 41 nəfər bəvonku Ostoro xəstə xanədə dəmonbe xoto hıtən və 61 nəfər həm bə sanqonə noxəşəti xoto bə ciddi nəzorəti ji peqətə bıə.

Cəmi ım noxəşon ıştə dəmon kardeyo 13 həzo manat xərcışon kardə.

Im mətləbon cənab Siruse Şəfəği İroni Ostoro fərmondor dəmə təşkil doə votımonədə elanışon ka bə çəy vote əsos İronədə dəmoni xarcon kam be xoto Azərbaycan respublika şəhrvandon diğğət bə ım məmləkət cəzb bəy və həminə məsələ xoto bı nezonədə İroni Ostoro şəhrədə 130 nəfər vırə qətə xəstəxanə ojbəbe.

Vote lozime ki, hepatit virusi klinik həm İroni Ostoro şəhrədə fəaliyət kardə ki, ım xəstə xanə məxsus Azərbaycan respublika şəhrvandonro bino bəy xəstə xanəon hepatit virusi Analizonro ım məmləkətdə cəmi manat xərc kardən.

Taleshi.ir.