İran Rusiyadan ala bilmədiyi silahı özü istehsal etdi

İran Rusiyadan ala bilmədiyi silahı özü istehsal etdi.

TalyshPost abna-ya istinadən xəbər verir ki,uzun müddət Rusiya ilə İran arasında davam edən S-300 raketləri söz-söhbəti bitmək üzrədir. Belə ki, İran ordusu yeni “Bavar-373” raketləri ilə təchiz ediləcək. Bildirilir ki, raket sisteminin son sınaqları aparılır və yaxın zamanlarda istismarı üçün ölkənin hava hücumundan müdafiə bölmələrinə təhvil veriləcək.

Raketin texniki xüsusiyyətləri barədə danışan “Xatəmul-Ənbiya” HHQ-nin komandanı, briqada generalı Fərzad İsmaili bildirib ki, zenit-raket kompleksi kiçik, orta və uzaq mənzilli raketləri tam şəkildə zərərsizləşdirə bilir. Bundan əlavə, S-300 raketlərindən fərqli olaraq sistem 2 dəfə artıq - 100 hədəfi izləmə qabiliyyətinə malikdir.