Həzrəte Ayətullah ozma Xamenei bəyanat
İslami inğilabi yolə rəhbər İroni atom inkişafonış İronəndə bə milliyə ğıvvə və zu buvə pəydu kardeyu muhimmə dəlilış zınə və cuqlə elmiyə inkişafunru şərayeton təşkil əkəş zınə
Həzrəte Ayətullah ozma Xamenei zinə atom teknoloji milliyə ruji munasibətiku İroni atom enerji təşkilati rəis mudiron alimon və koəzonon didorəndə votışe hərçənd atom elmiko enerji sənət səhihə ditəsərrofati fəaliyəton xurəki əmniyət və ticarətdə istifadə bedə əmma çəy muhimmə faydə ironəndə milliyə buvəon zumand be bəy
İslami inğilabi yolə rəhbəri bə İron islam Respublika və 5+1 qrupi vutımon işarəş karde və votışe ım vutımonondə bə İroni zid istikbar cəhbə deşmenə fikron ləğv kardeyu bəy
Yolə rəhbəri atom vutımonon dəvam pəydu karde zərurəti barəndə işarəş karde və votışe atomi elmiyə hərəkət heç haləndə bəpe ğət və ya sıst nıbo eyne huləndə beynəlxalğ atom enerji təşkilati əlağon həm de İron bəpe bə mənteğiyə əlağon əsasi bıbo
İslami İnğilabi yolə rəhbəri bə istikbar cəhbə fəaliyəton ironi hukuməti inkişafi vəy qəteyu və ım olkə bənə qıləy bə dumu mandə olkə təbliğ karde cəhətdə işarəş karde barəndə votışe istikbari qıləy planonko bə İroni zid qıləy beynəlxalğə hərəkət təşkil kardey qıləy vavunəndəy ki həmmə əy ğəbul bıkən və atom məsələ həm qıləy vavunə bə islamiyə respublika zid duə sıxanon bəyan kardey əmma desbə ısət ım cəhətdə ğəyrəz məğlubiyət cu çi bəvun ğısmət bə ni
Həzrəte Ayətullah Xamenei votışe İron atom silah dumuəndə ni və əlavəş karde amerikavıjə rəsmiyon həm ım həğiğəti ki atom silah nıbe İslamiyə respublika ğətiyə siyasəte xəbəş heste əmma pidəşone ım vavunəndə bə ironi zid beynəlxalğə fikrun dıştə həmru bıkən
Yolə rəhbəri votışe İroni atom muzakirə əkon bəpe bə təhğiğaton və atom inkişafi ciddiyə halətdə işarə bıkən və əlavəş karde olkə heçqılə bə dast omə nəticon təıtil əbı ni və heç kəs həm çəvon barəndə muzakirə karde həxış ni
İslami İnğilabi yolə rəhbəri bə İroni atom alimon bəpeə iradə və ruhiyə işarəş karde və votışe vaxti ki İroni atom alimon elanışon karde ki tehrani rakroriyu atom enerji səhifə istihsaliyu ğıvvəş heste ğərbiyon ım sıxanışon bə ləğv no əmma çəmə alimon hətta nəzərdə qətə bə vaxtiku həm rəv ım koşon əncum do və deşmenonışon bə şok vəziyət eğande
Həzrəte Ayətullah Xamenei əlavəş karde ım ki votedən təıziqon və İroni bə çərçivə eğande atom inkişafi nəticəndəy səhih ni çunki əqər atom məsələ həm nəbi ğərbiyon cuqlə vavunə pəydu əkəyn jəqu ki ısət və muzakiron zəmanəndə amerikavıjon bəşər həxi vavunəşon bəyan kardə
İslami İnğilabi Yolə Rəhbər sıxanonko bə na Əli Əkbər Salehi İroni atom enerji təşkilati rəisi çı təşkilati fəaliyəton və bərnamonku və ironi atom sənəti bə sadt omə nəticunku məılumatış doy.
Taleshi Radio.irib.